اخواتي ابي افضفض،أختي الكبيرة دمرت حياتي جالسه لي ع الصغيرة والكبيرة والله حرت كيف أتعامل معا اتكرب منها مااخلص ابتعد نفس الشي تحاول باي طريقة تشوه صورتي جدام أهلي حتى جدام صديقاتها،ليش الحقد ما ادري، أهي من النوع اللي اذا قدمت خدمه لإخوتها وخواتها تكوم تذكرني بالسوء جدامهم وبالتقصير إنسانه كذابة ومنافقة لأبعد حد والله أحجي الصج عذبتني والله اذا صارت عنده مناسبة وهي طبعا متمكنه حالتها المادية زينة من تعطي شي لخوتها وأخواتها تذكرني جداًمهم أني أنا بعيدة عنهم ولا احب اجتمع معهم ولا عندي اهمية لهم مع العلم والله العظيم اللي اكدر اسوي لهم مااكصر بيه. والله حتى إخواني تغيرو علي وآخرها واحد يكولي انتي من متئ تعرفين اهلج انتي بعيدة كل البعد عنا ،والله أخواتي اذا ما اجتمع معاهم دائماً مهو ذنبي عندي بنات بسن المراهقة وهم الله يستر عليهم جلساتهم وتصرفاتهم عكس اللي معلمته لبناتي وزوجي مايرضى دائماً اعرف بناتي لحالهم وأروح،يعني بأخواتي المختصر المفيد معاديتني لأني اسمع كلام زوجي وأبي اربيهم التربية اللي يرضاها الله وهي تربيتها زفت.ارجو المعذرة طولت اريد مشورتكم كيف أتعامل معاها لأني مريضة وحالتي النفسية تعب أنة بشكل!!!!
ياعمري انت مامطلوب منك ترضين اختك ولا اي شخص اخر على حساب طريقتكم بتربية ابنائكم انت وزوجك.. اهم شيء رضا زوجك عنك وعن اسلوبك بالتربيه .. ما احد راح يفيدك بالمستقبل اذا لاسمح الله طلع واحد من ابنائكم مو مثل ما انتو تريدون
اعملي اللي يرضي ربك وزوجك .. والباقين مامطلوب منك تسويلهم غير صلة الرحم وبس
الله يهديهم ويوفقك حبيبتي وتشوفين ابنائك افضل خلق الله
امين يارب
تحياتييييييييييييييييييي