كان يا ماكان . .في قديم الزمان . .حكاية عائله تعيش بالقرب من نهر جميل. .
و في كوخ . . صغير وقديم.
تعيش هناك فتاة تسمى ( غلو ) . . و يعيش معها فـي الكوخ عائلتهآ
الاب . . و زوجة أبوها (جوجو) .الشريره .
.واختها ..( لولو ) المطفوقة !
و كانت زوجة الاب( جوجو) . . موريه ( غلو) نجوم القايله . .
و تكرفها كرف ،، و وتعاملها كأنها مهيب بـنـتهم . .
كانها وحده من الشارع ! < < يا للقسوة 
و تجعلها كل يوم تغسل الملابس ثلاث مرات في اليوم. . . . . ( مع إنه كل واحد ماله الا هدمه وحده)
و تقول لها : (غلو ) . . يا مال الوجع . . اللي يوجع تسبدتس . . أين أنتي يامال الضارب ؟!
(غلو) بـ صوت . . خافت : يا ليل مطولك . . ماذا تريد هذه القلق ع الصبح ؟!
فـ تكرر زوجة الأب (جوجو): ( غلو) . . و صمخ .
يامال الوجع.انقلعي بـ سرعه اغسلي المواعين
قبل أن أغسلها بشعركــ اللي كأنه ليفه !
ككككككككاك ’’(لولو) تضحك على (غلو)
(غلو) : بصوت منخفض ’’اللهم طولتس ياروح . . هذي (جوجو) العوبا كل يوم
مهبله ــ فيني جعلها الهبال ْ..
. . بـ احوكها كف . . اخليها تعرف إن الله حق ! 
فـ تقول بـ صوت عالي : طيب . . طيب . . جايه . .
يوووووووه كل شي ( غلو) . . و كانه لا يوجد غيري . .هنا . ام ماذا ؟!
( لولو) : سمعتك ياام شوشه. . أقول لا يكثر هرجتس . . إغسلي الهدوم والمواعين
والا حرشت عليك عند امي . وبعدين عقال ابوتس يلعب على ظهرتس !
و هنآ دخل ابوها. . و ( غلو ) المسكينة !حاطه الطشت في الحوش >ومتحضنته
وتغني >>
مافيش حاجة تيجي كده
اهدا حبيبي كده وارجع زي زمان
يابني اسمعني هتدلعني
تاخد عيني كمان
مافيش حاجة تيجي كده
( طبعا الوالد . . شخصيته خرطي . ) !
فقال : الله يكون بـ عونتس يا بنتي . . و الله إني حاس فيس !
قالت (غلو) بصوت منخفض. . روح عني تلايط على الفاضي. . ترى نفسي براس خشتي !
كان فيك خير !!. . خذ عقالك . . و رح محـّـط هـ أللي تستقوي علي !
( الاب) : ها ها ها . . انتي شايفتن. . زوجة أبوتس هذي ؟! مثل الخفاش ما اقدر عليها وانا أبوتس
قالت (لولو) يبى يبى أمي تشوفتس ’’ تحلطم الاب ’’ وقال
ترى زوجة ابوتس ’’قلبها //أبيض ..قالت (غلو )ياليل التبن
ورجعت لــ طشتها ــ وآآآه ونص !
طبعا زوجة الاب( جوجو) سمعته من بعيد .
وجت ’’ والرغو يطلع من شدوقها ’’ وقالت أمحق رجال ’’ كفايتن متحملتن فقرك كل هالسنين
لا تلفزيون مثل كل هالناس ’’و لا دش ولا مرطباتن للبشرة ولا بلا ابوك !!
>قالت (غلو أمحق لغة بلا ابوك صدقتي
قالت المرجوجة ( لولو )يمه يمه أسمه بلاك بيري ~.!
قالت ( جوجو) عارفتن وأنا أمتس بس غلطتن من لساني ’’
قال ’’الأب ’’ الله وأكبر عليس كل هالنعمة اللي انتي فيها ماهي عاجبتس
ضحكت ( لولو) وطالعت يمين لقت شبك غنم ــ طالعت يسار لقت دجاج !
قالت يبى يبى ـــ والله كاننا عايشين في برج المملكة ’’
جتها ( غلو ) ولمختها كف ! قالت يخسى برج المملكة ’’
يازين ريحة غنيماتنا ’’ يومن اتصبح عليها واحلبها 
والا دجاجنا وانا اطامر وراه ــ واخذ بيضها’’
(لولو) ايه بالله ريحتها عطر كوكو والا حليبها المراعي ’’
(غلو) ياقدمتس هالحين من زين كوكو ’’ والله انك قروية ’’(لولو) من زود الحضارة عندتس
يا أم شوشة //روحي أنقلعي احلبي غنمك هع (غلو) من أم شوشه شكلك ما شفتي المرايه اليوم
( لولو) الا شفتها وشفت الزين كله ،، كني وأنا أختس كيت هدسون
(غلو ) ياليل التبن ,, ومن هذي كيت ـــ >>لايكون البسكوت 
’’طالعي زين وأنا أختس وش ذا اللي فوق رأسك
كأنها ليفة صحون أمتس (لولو ) معصبة بالمرة وتمسك (غلو ) تاككككك تيككككك
و(غلو ) فكيني يا مال الوجع ’’ كسرتي عظامي جعلكــ الحمى ــ فكي شوشتي ’’
عاد( لولو )جسمها مربرب ومليان والله من أكل الشكشوكة ــ
اللي كل يوم (غلو ) تسويها لهاا
جلست فوق ــ (غلو) لين بغت تموت ــ و(غلو) تبكي
ــ وتقول خربتي مكياجي عمى بشكلك
و(لولو) تقول والله ما أحول لين تقولين أني أحلى منتس ’’
ودخل عليهم ابوهم ’’’ يشيل شيء (جوجو) وش معك يارجال ــ لايكون جايبن لي
حمام سوناااا ــ وتقوم المطفوقة (لولو) عن (غلو) وتطامر على ابوها وتفتح الكرتون ’’
ياااااه تلفزيون ملون ــ ومعه ريموت ــ بعد وتجي (غلو) تأخذ الريموت ’’
وتسحبه منها (لولو) ويتهاوشوا مرة ثانية ’’
وتبطح (لولو) (غلو) على الأرض جيبي الريموت احسن لتس !
(غلو) ليش وش تبين تحطين!
(لولو) بحط ستار اكادمي ! حمود أبو كشه ولد جيراننا دخلها بشوفة
(غلو) !!دخلوتس أكاديمية المعاقين قولي آمين!!
(لولو) طيب أنتي يا أم شوشه وش تبين بالريموت !!
(غلو) أبي قناة طيور الجنة ’’
(لولو) مالت عليتس يالبزر ’’ أنتي وجه دش ــ الاريل ويخم عليتس !!
وتماسكوا بالشوش وطار الريموت !’’
في يد (جوجو) وحطت قناة بداية ’’
يتبع ’’
من قلم جنـ وـوـون
ولا أحلل من تنقلهاااا
’’
الجزء الثاني..
تعلقت جوجو في الريموت وتتفرج على بداية ليما لفت فيها الارض قالت 
(جوجو) وجعن يوجعهم يا مال الماحي ساعتن مبققة عوانتي
وما شفتس شيء من حتسي (ام فهووود) وين حتسيها
تسذب علي تقول تفرجي عليها تروح كريشتس 
كككككككاك (غلو) تضحك عليها !!
(غلو) راحت كرشتس مع روحتس ’’ يا مال الوجع !!
اكرفي في البيت والغنم !! تصيرين سلقة صيد مثلي !!
(جوجو) وش تهذرين بالمقرودة !!
قومي قامت ــ عظامتس من مكانها ــ سوي عشانا
بتعشى ونرقد ’’ باسر بتنقلعن أنتي ,واختس للمدرسة
(لولو) يمه يمه !!(جوجو) سمي يالمزيونه يازين
بنيتي زيناه !!
(غلو ) ياقردي هذي زينه والله كنها قربتن مليانه مويه!!
( لولو) أنطمي يأم شوشة أزين منتس!!
يمه ترى (ام فهووود) حسيها صح يمه يتهجون الكلام اللي
حدر التلفزيون !! ويسووون زيه !!
(جوجو) تنزل رأسها تحت التلفزيون !!
وينه وأنا أمتس !!
(غلو) كككككككاك تضحك على حرمة أبوها ’’ياليل التبن الا والله سرى
ليلنا ــ مير ليت أبوي ماجابه !
(لولو) يمه ماهوب تحت هذا الحبل اللي يمشي في التلفزيون!
(جوجو) هذا اللي كنه حية!
(لولو) ايه يمه !!
(جوجو) علميني وأنا أمتس وش علومه ’’
(لولو) ياميمتي مير الله يسلمتس ! مقدر اقضبه سريع
(جوجو) اسرعي وأنا أمتس بصير رشيقتن مثل ’’ريما فقية
(غلو) أخس ياجوجو ماأنتي هينه !
(لولو) خ ل ط ة ــ خلطة ــ ع ب د ــ عبد ــ ا ل ب اس ط ــ الباسط
ل ت س غ ي ر ــ لتصغير ـ ا ل ك ر ش ـ الكرش
( جوجو ) وجعن يوجعتس يا مال الخلطة اللي تخلط ابليستس
نعنبو شكلتس بجلس اسبوع لين تعلميني ــ
(جوجو) تعالي يا ام شوشة علميني وين اللي سوته ( أم فهووود)
( غلو) بكل ادب !! طيب يا عمتي !
(جوجو) تكلمي ــ (غلو) تسوي نفسها زعلانه !!
( جوجو) وش فيتس وش كاتبين !
( غلو) يقولون سكروا التلفزيون بكره نعلمكم !’’
وش تسوون بكروشكم !! 
(جوجو) والله أنهم صادقين خلصت
علومهم كلها من اليوم يحسون !!
يالله يالقشرى سكريه وحطي العشى !!
(غلو) تعشى عليك عزرائل ــ هذي اللي بذبحها!!
هماك تقولي ماتبين كرش ــ وش تبين تطفحين جعلتس
ما تحدرينه ــ
(جوجو) وش عندتس والله لو بتسوين شرايح عجل مثل سبازيو!!
روحي للدجاج اخذيلتس بيض وسوي لي بيض عيون ــ 
ياليل التبن سوت (غلو) العشى وتعشو وناموا ~..
في الصباح ــ راحوا المدرسة أول يوم بعد العطلة !!
البنات كلهم متجمعات ويسلموا على بعض!!
( روح مغليها ) تجي تطامر (غلو غلو غلو ) أخوي حمود
دخل التلفزيون ــ (غلو ) وجع يخبطتس كيف دخله وهو دبه ــ
وكسر الشاشة والا سلمت منه !!
( روح ) لا يالمهبولة دخل عند رولا ــ
(غلو ) يامال الوجع ــ دخل عند حرمه وتبيني اتزوجه
وش سوى عندها يغازلها !! نعنبو للكشه والله ان شفته لاخبطه
على خشمه اللي زي خشم (جوجو)
(روح ) يالخبلة والله انتس منسمة تعرفين العام من رحنا الرياض
عند بنات عمي الحضريات (غلو ) ايه أذكر من يضحكوا علينا
ويقول قرويات ماتعرفون السلاش والكورن فليكس
( روح) ايه تذكرين يومن يورونا الرجال المزاييين اللي يتناقزون
في الصالة ويشيلوا حريم !!
( غلو) ياجعلك الوجع اللي يمغص بطنتس !
تقصدين ستار اكادمي !!
( روح) ايه ايه هو هوهو !!
(غلو) والتبن وش فيه !!
( روح ) حمود راح ينطنط معهم !!
(غلو) علمتني المطفوقة ( لولو) كانت تبي تشوفة بس أنا ما خليتها
ونتفت شوشتها !!
( روح ) علامتس انتي تهذرين وين تشوفينه أقولتس راح
بعيد عند الحضر الشقر ــ راح لبن ـــ
(غلو ) ياليل التبن وين لبن ــ هو رايح الرياض !!
هالحين أحوفك كف أعدل خشتك !!
اسمها لبنان !!
( روح) صدز كيف عرفتي من علمك والله انتس ما انتي هينه
( غلو ) يالخبلة أبوي شرى لنا تلفزيون ملون وبعد يتحرك بالريموت
( روح) يا تذبتس ! (غلو) ورب الكعبة جعلني أموت إذا كذبت
(روح) بنات بنات بنات غلو عندها تلفزيون !!
وتجمعوا عليها البنات ــ ( علومه) ياحضتس ياغلو ابوي عيى
يجيب لنا ــ (ارنوبه) وأنا بعد يقول تشوفون الكفار!!
(ابتسامة أمل) حتى أبوي بخيلن ما يطلع الريال ــ كل يوم
أمي تشحذه تقول بشوف الطنطاوي في رمضان ويعيي !!
(أميرة دبي) عاد ابوي يا كافي والله لو ننشوي ما ييبه لنا!!
ودي اشوف ’’جوانا كروبا ’’ كيف تلبس !!
بنت عمي (سهووومه) ناشبتن في حلجي
كل ما تشوفني تضحك علي وعلى خلاجيني !!
أبي أصير بنتن زينه ــ
( بلسومه) الله مير يهديكن وش تبن بهذا الفسق ــ!!
الله يصلحكن يا وخياتي !!
(صمت الروح) حتى ابوي يقول حرام ’’ ويخلينا ننام بعد العشى مثل الدجاج ’’
(احسس حساسة) ياحضتس ياغلو تشوفين قناة المرقاب والصحراء
كل ما قلت لأبوي جيب دش بشوف الشعر قال انقلعي وراتس انتي ولد تسمعين الشعر ’’
( مروووجة) جايه طايرة من آخر الصف 
من اللي عندها تلفزيون ’’
(لولو) حنا اللي عندنا ابوي جابه امس وملون ماهو مثل حقكم الأسود كأنه وجهتس
(مروجة ) من اللي وجها أسود ــ أزين منتس يالعبدة ’’
(لولو) من العبدة يا مال الطاعون ’’
ويتماسكوا ’’ تراااااخ تراااااخ ’’
والبنات يصايحوا ويشجعوا ’’
(روح) ايه يا(لولو) العني شكلها دوسي خشتها في البلاط ’’
(غلو) وجعن يوجعتس يا(لولو) بس تقوين علي اضربي البنت ’
(ابتسامة أمل) يالله مروووجة نتفي شوشتها كلها ’’
(أميرة دبي) ياربي منج أنتي وياها شدعوا ليش تضربي ربيعتج ’’
(بلسومه) اذكرن الله فكيها يامرووجة قومي عنها ’’
وما طالعوا الا (احساس بنوته ) جايتهم تصارخ القلق جاء القلق جاء
وكل وحده تنط على كرسيها وتتسمر مثل اللوح ’’>>والله من الخوف
وتدخل عليهم معلمة العربي (بقايا روح)
السلام عليكم ’’ ويردوا البنات ’’وعليكم السلام ’’
هاه بنات وشلون قضيتوا اسبوع الاجازة انبسطتوا
البنات كلهم ’’ ايوا يا ابله انبسطنا واجد ’’
( بقايا روح) يالله طلعوا ورقة بنبدأ الأختبار
(لولو) وش اختباره يا ابله ’’
(بقايا روح) وجعن يوجعتس ما قلت إذا تكلمتس ما تقاطعيني ’’
(لولو) بصوت منخفض جعل الوجع في بطنتس ’’
(بقايا روح) وش قلتي ؟
(لولو) ماقلت شيء يا أبله ’’
(بقايا روح ) الا سمعتس تحسينن !
( مروووجة) انا سمعتها يا ابله تقول الوجع في بطنتس ’’
( بقايا روح) قومي اطلعي برى ’’
(لولو) قسم يا ابله كذابه وتأشر لــ مروووجه شغلتس برى 
(بقايا روح) يالله اعربوا هذه الجملة (الحب عذاب القلوب)
ويكتبوا البنات ويخلصوا ’’
(بقايا روح ) ( صمت الروح ) قومي جمعي الاوراق ’’
وتطالع بقايا في الاوراق ’’ وتعصب !!
قومي يا غلو قولي لزميلاتس وشلون اعربتيها ’’
تقوم غلو وهي تتراجف ’’
(غلو) ملزمة يا ابله ’’وبصوت منخفض يا ليل التبن هذي بتفضحني ’’
(الحب) مبتدأ فيه قلبي مرفوع بعروق قلبي يضمة شوقي اللي على اخره
(عذاب) خبر حبي اللي رافع راسي وضامه على صدره على الآخر
(القلوب) مكسوره ومفعول بها الهم وباين الكسر على الآخر
الفصل كله ككككككككاك
وتطالع فيهم غلو قالت يا مال الحمى أنتِ وهي أوريكن ’’ وتقول بصوت منخفض
هذي القلق ما شافت الا أنا تقومها ’’
(غلو) ابله ما ذاكرت كنت احلب الغنم واغسل الهدوم ’حرمة ابوي معذبتني
تصحيني من الغبشة وأكرف لين الليل متى أذاكر ’’ 
( بقايا روح) ما قلت لتس تحكين لي قصة حياتس ’’
قومي اوقفي ’’
نعنبو داركم ولا وحده جاوبت صح الا ( احسس حساسه)
ويطالعوا البنات فيها ’’
( روح مغليها) يهبي هذي ماتحفظ الا تأكل الكتاب أكل ’’ 
(صمت الروح) ياملح خويتي احبها ’’ 
( بقايا روح) حبتس الحية على خشمتس ’’ قومي اوقفي ’’
وما يسمعوا الا ررررررررن جرس الصرفة !!
وكل وحده تروح بيتها !
يتبع
من قلم جنـ وـوـون
لا أحلل من تنقلها
الجزء الثالث
طلعوا البنات من المدرسة يركضون .,,
روح تنادي..غلو غلو غلو .. 
غلو’’.وجع وش فيتس
روح ..تكفين بروح معتس للبيت ,..
غلو ..يا مال الوجع وين تروحين ,..
حنا الظهرية ,’’
روح ’’الله يخليتس ياغلو بجي بيتكم أشوف أخوي
والله ما اكل عندكم ولا شيء ما ابغى غداء’’
لولو .,,كلي تبن والله ماتدخلين بيتنا انقلعي ..
غلو ..خلاص أنا أدخل البيت قبلتس
واخلي جوجو لين تنخمد وأناديتس ..
روح’’ وين اجلس شمس .,, غلو.. بحطتس مع الدجاج .,,
ماعنده شمس ’,,
دخلت روح القفص وجلست مع الدجاج
دخلت غلو ولولو البيت ..
وقابلتهم جوجو’..
غلو ’..السلام عليكم .,,
جوجو ..الله مايسلم فيتس ولا عظمة روحي يامال الطاعون سوي الغدى .,
غلو ..طاعون يشق بطنتس ’,,
جوجو’’ وش تحسين ’, غلو ’,,ماحسيت شيء
لولو.,,السلام عليكم .,
جوجو .,,هلا بالطش والرش ,.هلا ببنيتي المزيونة,.
غلو .,, ياجعلتس الحمى ’..أنتِ وبنتس أم شوشة..
سوت غلو الغدى وتغدت جوجو وراحت تقيل ,’’
وغلو غسلت المواعين ,,
ومن جت تذاكر وهي تذكر روح’’
غلو ,’’ياويلي ويلاه ’’ 
لولو,’وش فيتس يالمهبولة ..
غلو ’’ نسيت روح في عشة الدجاج .,,
لولو ’,والله أقول لأمي ْ,,
غلو …والله إن حسيتي لها شيء ما أحل لتس الواجب .,,
لولو..تكتبينه كله .
,,غلو أيه أكتبه بس ماتحسين لجوجو ,..
راحت غلو تركض ’’
وتنادي روح روح روح
ولقت روح نايمة والدجاج ينط فوقها }..
غلو ,’’روح والله نسيتك وأنا أختس لا تزعلين مني ..
روح .,,لا بس وين حمود بشوفه ~..
دخلوا البيت ..وشغلوا التلفزيون .,,
روح..وين حمود ما شفته ,..غلو جعلتس العمى كل هذا وما شفتيه ..
روح ..وينه كلبوهم مزاييين ونظيفين .,,تستذبين علي ماهوب منهم ,..
غلو .,,وهي قائمة للشاشة ..هذا شفتيه اللي تحت اصبعي ,,,
روح .,,يا ويل حالي وين كشته …احلقوها له ,’’وجه ليش مدهون ببويه ْ..
لولو ,..يالوف قلبي عليه ياحبي له يازينه زيناه ،ــ 
غلو ..حبتس الجنيه ــ لا تناظرين فيه حمود لي ..أنا اللي بتزوجه ــ
لولو ..تخسين يالداجة مايأخذه الا أنا ’..
و تقوم لولو على غلو ,’’وتمسكها وهات ياضرب ,..
غلو ..لولو الله يخليتس والله معاد فيني حيل
وأنا اختس من شغل البيت ومن ضربتس أمس,..
حولي عن ظهري ’.
روح ..تصايح ..انزلي عنها يالدبيه كسرتي ظهرها جعلتس الوجع ,..
سمعت جوجو الصياح وقامت ْ..
ودخلت عليهم ’..
وجعن يوجعتس أنتِ وياها’’ ماخليتوني أقيل مثل المسلمين ,..
وتلتفت على روح وعيونها حمراء ’..
أنتِ وش جابتس عندنا .,,
وتتراجف روح ,..أمي أرسلتني عليتس ..تقول تقهوي عندنا العصر ,..
جوجو ’’أمتس ياحليلها قولي لها بجيها ..بكره اليوم بيجيني حريم ,..
وتهرب روح لبيتها ’..
جوجو .,,أنتِ يأم شوشه روحي تروشي والبسي ثوبتس الجديد .,,
غلو’’ بس هذا ما البسه الا في العيد ,,ليش البسه اليوم ..
جوجو ..سوي اللي قلته لتس قومي انقلعي بسرعة ,.
لولو ..يمه علميني علميني ليش تتروش غلو ,..
جوجو تكلم لولو في اذنها ’,..
لولو كككككككاااك تضحكــــ بصوتها وتتطامر ’..
غلو بتتزوج غلو بتتزوج ’..
استحت غلو من سمعت الخبر,..
وراحت تتروش وتمشط شعرها ’..
وتغني حمود بيخطبني واخلص من هالحياة ..
وبعد العصر ,..طقت الباب حرمة ,.. ودخلت ’.. طالعت غلو من وراى الباب
وعرفتها هذي الخالة بحارة في زورق الحب …
أم صديقتي مرهفة احساس ,..
وش جابها بيتنا ,’’
دخلت بحارة وجلست وتكلمت مع جوجو’,,
شوية وتقوم جوجو ,..وتروح لغلو ..
جوجو ’..تعالي يابنت سلمي على الحرمة ,.
غلو ..وليش أسلم استحي منها..
جوجو .,,تعالي جعلتس الوجع ،،قال تستحي إلا وجهتس مغسول بمرق ,..
دخلت غلو وهي تتراجف ـ//
غلو ..السلام عليكم خالتي {,,
بحارة .,,تخلخلت اعظامتس شايفتني عجوز’’
غلو //سكتت ما ردت {.. 
جوجو ’’شفتيها يا بحارة تراها بنت حلالن ماهيب مزعجتس في شيء ,..
وبتكون لتس مثل الخدامة ’..
غلو تبحلق عواناتها ماتدري وش القصة ْ.. 
بحارة ’..والله وأنا أختس لو مايبي عيال كان مازوجته بس بهذلني ,..
قلت أختار بنتكم أحسن لي من غيرها ,..
جوجو ’’ماعليتس وأنا أختس ,..اعتبريها خدامة ما هي شريكة ’..
بحارة ,,ومهرها كم تبين يا جوجو.,,
جوجو’.. تراها غاليتن علي واجد وأنا مربيها من يومن هي صغيرة
وصرفت عليها وأنا أختس كثير ’,..
بحارة .. والله من الخرطي والله من عرفتها وهذي خلاقينها ,..
جوجو ’’..وش قلتي يا وخيتي ’.. بحاره ماقلت شيء ..
جوجو .’’ابي مائة الف ,,’’وبيت في الرياض ’.. وذهب
بحارة ,’’خلاص أقول لـــ ابو مرهفة احساس وإن شاء الله خير ,..
مع السلامة وراحت بحارة .,,
جوجو ..تعالي يالمقرودة
غلو ..نعم وش تبين ..
جوجو ..ابو مرهفة احساس خطبتس ..
غلو ..هااااااااه وش تحسين .,,خطبني أنا ..
جوجو’’ لا ماخطبتس خطب العنز حقتنا ,..
نعنبو دارتس لين متى وأنتي بقرة ,..ايه خطبتس جعلك الماحي
غلو ..والله ما أتزوجه ’..ورب الكعبة لو تموتوني هذا الشيبة
ماتزوجه ’..
جوجو ..تتزوجينه غصبٍ عنتس ’’ماهوب على كيفتس ,..
وبكرة يجيب مهرتس ’..ويأخذتس ..
غلو ’..حرام عليتس يا عمتي وش سويت فيتس ,..
طول عمري وأنا أخدمتس وأخدم بنتس ,’’وأطبخ وأغسل
ليش تزوجيني هاالشيبة أنا قد بنته
,’’ والله حرام عليتس .,,
جوجو ,,انطمي بس وروحي احلبي الغنم .’’
راحت غلو تحلب الغنم وهي تبكي ,.. 
وجاها أبوها .,,وشافها تبكي ,..
قال لها ,..غلو وش فيتس وأنا أبوتس تبسين ..
غلو ’’ يبى الله يخليتس لا تزوجني ’..أبو مرهفة احساس ..
أبوها.. لاتبسين وأنا أبوتس وعلميني علامتس ,..
غلو’’ تبكي وتعلمه القصة ,..
أبوها ’.والله وأنا أبوتس ما أقدر أسويلها شيء..
تزوجيه واسلمي من شرها ’,يمكن حياتس
معه أحسن من حياتس مع جوجو..
غلو’’ يبى الله يخليتس لا ما ابيه تكفى يبى ,..
خلاها ابوها وهي تبكي ’,.ما في يده حيلة ,..
الشور كله عند جوجو ..
وفي اليوم الثاني جاء المعرس ومعه زوجته الاولى وبناته وولده..
جوجو..وأبوها ..هلا حياكم الله تفضلوا ,,
المعرس ,’’الله يحيييتس عمتي وعمي..
بحارة ..وين عروستنا العريس يبي يشوفها
مرهفة احساس ..أنا اروح اناديها ..
غلو ’’ وش جابتس غرفتي اطلعي برى ,..
مرهفة ..افاااا عليتس أنا صديقتس تطرديني ..
غلو …ما ابي أبوتس يا مرهفة ما أطيقه ,..
مرهفة ..وش تسوين وأنا أختس غصبن عني وعنتس
خلاص أبوي برى بيأخذتس .. 
لولو ..ليش مافيه عرس ورقص وذبائح ..
غلو ’’ الله يأخذتس بس هذا اللي هامتس
مرهفة ,,لا أبوي ما هوب مسوي عرس يقول أستحي ..
جوجو ..قومي جعلتس القمة اللي تقم عظامتس 
.,,شوفي عريسك..
غلو ..والله العظيم ما اطلع من الغرفة ..
جوجو تسحبها من شعرها ,..
امشي جعلتس الحمى اللي تريحني منتس..
غلو …آآآآآآييييي فكيني الله يأخذك آآآآآيييييي
المعرس .,,ماشاء الله تبارك الله ..
أنا أشهد أنها غلو على اسمها .. عمي هذا المهر ..’’ 
وما أبي عرس بس عشاء وأخذها ’..
جوجو .,,لو تبغاها هالحين إخذها ’,,
المعرس ’..لا بكره أسوي عشاء وأخذها ’..
أبوها ’..بتعزم أحد والا مختصر ’,,
غلو ’’ والله ما أتزوج الا بعرس والبس أبيض وأعزم صديقاتي
جوجو ..لبسوك كفن ابيض’’مافيه عرس ْ,. 
المعرس ..خلاص عمتي نسوي عرس بس لاتعزمون كثير ..
جاء يوم العرس
وغلو ما عندها من يزينها وجت
روح وقالت لها غلو ليش ماتزينتي
,غلو ,’’ما أعرف وجوجو ما شرت لي شيء ,..
روح ..ماعليتس عندي ثوب أختي الكبيرة أجيبه لك..
وبروح لـــ أميرة دبي أدور عندها مكياج ’..
أميرة.,, حياتج روح شوو بغيتي ,’
روح .,, غلو اليوم عرسها وما عندها ’..مكياج
أميرة دبي .,,ولا يهمتج هالحين أخذ مكياجي
وأروح لــ ربيعتي وأزينها ..
روح ,..نشمية يا أميرة ’’هالحين بروح أدور لها أستشوار
أميرة .,, دوري عند أرنوبه سمعت شرت استشوار ألماني
.أرنوبه ,..هلا روح تفضلي {..
روح ,..لا مستعجله اليوم عرس غلو ,..ونبي استشوارك ,..
أرنوبه .,ياويلي غلو بتزوج
وأنا ما أدري هالحين أروح أستشورها
جووالبنات وجهزوا غلو ولبسوها الثوب الأبيض
لولو.’’ غلو وأنا أختس خذي هذا الحلق البسيه .,,
بكت غلو وحضنت لولو ..
رقصوا البنات وغنوا وفرحوا مع غلو ’.. 
وجاء المعرس ,..وأخذها للبيت ,..
يتبع .,,
من قلم جنـ وـوـون
لا أحلل من تنقلهااا.,,
الجزء الرابع والأخير…
وصلوا البيت … وناموا !!
وفي الصباح ماتسمع غلو الا صياح ..
غلو يامال الحمى ليش ماتقومين …تسوين الفطور
تفرك غلو عيونها ماهي مصدقة ..هذي جوجو والا أحلم ..
الحمد لله حلم ماتزوجت ولا شيء ..
وتقوم تنط فرحانه . 
..نعم عمتي هالحين أسوي الفطور…
بحارة …انعمت عيونك بلى ..ماقلت لتس لاتقولين عمتي …
وتبقق غلو عيونها إلا تشوف بحارة ..
غلو ياليل التبن ..يعني صدز تزوجت …
بحارة …قومي جعلتس الوجع سوي الفطور لبنياتي …وبعدين احلبي البقر …
وتدخل غلو المطبخ وهي تبكي .gif "♫‗=¨غلو علے بساط الأحـــــلام ♫‗ جميع الأجزاء")
… وتسأل نفسها وش الذنب اللي سويته…
علشان أطلع من نار جوجو أطيح في جحيم بحارة..
مرهفة …ماعليتس وأنا أختس بساعدتس في كل شيء ..
وتدخل عليهم بحارة …مرهفة والوجع وش تسوين …يمه أساعد غلو ..
ساعدوها في لبس الكفن ..أطلعي وخليها وأنا مزوجتها ابوتس ليش …
يمه حرام عليتس الشغل عليها كثير …
بحارة ….الله وأكبر والله والنعيم اللي كانت فيه…نعنو دارتس هي معجونه مع الشغل
غلو …مرهفة الله يخليتس روحي وخليني في حالي ماني ناقصة مشاكل …
وتكمل غلو شغلها ,,,وتروح للبقر وتحلبه ,,,
وترجع مهدود حيلها …ومن راحت غرفتها تبي ترتاح …
الا باب الغرفة انفتح …وبحارة في وجهها…
وتجيها وتمسكها بكشتها ..أنا ماقلتلس خلصي شغل البيت .
.
غلو…. عمتي والله خلصته …
بحارة ….انعمت عيونتس ..خلصتي يالمقرودة وش خلصتي ..
والملابس اللي معبيه الحمام ليش ماغسلتيها …
غلو …وش دخلني في الملابس …
بحارة …هالحين أعلمتس وش دخلتس …
وتسحبها من شعرها للحمام …
غلو …ايييييييي شعري تكفين فكيني …وترميها على البلاط….
بحارة ….والله انك إن طلعتي وماخلصتي هذا كله لأحبس مع البقر أسبوع …
تطالع غلو في الملابس…ياربي هذا كله بغسله حسبي الله عليها..
استمرت غلو على هذي الحياة من عذاب زوجة أبوها إلى عذاب بحارة
وطبعاً زوجها مايدري عن شيء ..يطلع من الفجر للشغل مايجي الا آخر الليل مهدود حيلة وينام
وغلو ماتقدر تقول له شيء …تخاف من بحارة…
وفي يوم زارتها جوجو واختها لولو …
وبعد السلام…
جوجو وين غلو ناديها بسلم عليها …
بحارة … وين يعني تلاقينها نائمة في غرفتها .. طول اليوم نائمة …
غشيتيني يا جوجو تقولين تعرف تشتغل ,,,وهي بقرةٍ ماتعرف الا تأكل
لولو … أنا بروح أقومها ….
بحارة ….لا لا تروحين خلي مرهفة تناديها …
لولو ,…لا أنا أروح وراحت تجري بسرعة …
دخلت الغرفة مالقتها …راحت المطبخ مالقتها ….
مسكتها مرهفة قالت تعالي أوديتس لها …
مشت مرهفة ولولو تتبعها لين وصلوا حوش البقر …
وتطالع لولو الا غلو مربوطة في الحوش والبقر يمشي من حولها ….
جتها لولو وجلست عندها وحضنتها ….
لولو …من بنت الشيطان اللي سوت فيتس كذا …
غلو …تبكي وتحضن أختها ….لولو الله يخليتس بروح معكم ..ما أبي أجلس عندهم …
لولو …تعالي وأنا أختس نعلم أمي …على بحارة …
لولو …يمه تكفين خلي غلو تروح معنا…
جوجو …وين تروح راحت روحها …
لولو …يمه حرام لقيت بحارة رابطتها مع البقر …
جوجو …حسبي الله على شيطانتس يابحارة ..مالقيتي الا البقر ليش وس سوت وأنا أختس
بحارة …والله ياوخيتي تعبت معها ..مغير نائمة …
أنا اللي أطبخ وأكنس ..وأحلب البقر …وكل ماقلت لها أشتغلي تطول ألسانها علي…
جوجو …تعلميني فيها وأنا أختس عارفتها عوبا … حتى أنا كنت أخدمها وهي بس تلعب …
غلو …تكفين جوجو خليني أروح معكم خلاص مأبي أتزوج …والله أكنس الحوش ..
وأحلب الغنم ..وأسوي لك شكشوكة …وبيض عيون ..واغسل هدومك سبع مرات ..
جوجو نعنو هالشوشة سبع مرات شايفتني كلب …
انثبري في بيتتس لين تموتين ولاتحلمي ترجعين عندي مرتن ثانية
يالله يابنيتي بنروح لبيتنا …
غلو تتمسك فيها تكفين ياعمتي خذيني معتس …
وجوجو ترميها ..انقلعي قلتس الله ..
رضيت غلو بحياتها …ومرت الاشهر …وحملت غلو..واستمرت في الكرف بدون رحمة من بحارة
وفي يوم أغمي عليها …في المطبخ … وجتها مرهفة وصحتها …وودتها غرفتها..
ومن جاء الليل ..جاء أبو مرهفة ,,ولقى غلو تعبانه …
غلو ..تكفى يابو مرهفة وديني الدكتور …
أبو مرهفة … وين أوديتس ودوتس القبر ..فاضي أدفع عليتس فلوس…
أشربي يانسون تصيري ..طيبة … ونام وخلاها ..
وفي يوم كانت تحلب البقر…
رفستها البقرة وطاحت وأغمي عليها …
ودودها المستشفى…وفحصها الدكتور…
قال لزوجها ..أنت عارف أن زوجتك حامل …
قال أبو مرهفة ..ايه طالع عمرك عارف ..
قال الدكتور وليش تخلونها ترهق نفسها في الشغل …
أبو مرهفة ..أبد يادكتور ما نخليها حتى تشيل الإبرة …
الدكتور على العموم بنخليها عندنا كم يوم بنسوي لها فحوصات ونشوف ….
في اليوم الثاني رجع أبو مرهفة للمستشفى …
الدكتور …شوف يا حجي زوجتك ..تعرضت لضربة في البطن أثرت على الجنين
وإذا عاش راح يكون مشوة ..
أبو مرهفة …أفاااا هذي أخرتها ولد مشوة ليتني ماتزوجتها…
الدكتور …وفيه شيء ثاني بقولة لك بس أمسك نفسك ولا تحسسها بشيء …
زوجتك كانت تشكي من رأسها وبعمل الإشعة لها اكتشفنا فيه ورم ….
أبو مرهفة …وش تقول يادكتور ورم هذا اللي يسمونه الخبيث
..معدي صح ياويلي منها إلا والله أعدتني …
الدكتور وش معدي أذكر الله شوو هالتخلف …
طلع أبو مرهفة من المستشفى وراح لأبو غلو وقال له….
بنتك شوفها في المستشفى مريضة ..فيها خبيث وترى ماعاد ابيها بطلقها…
أبو غلو …لاحول ولا قوة الا بالله أذكر الله يارجال هذي حامل وتبي تجيب لك ولد..
أبو مرهفة ….ولد إلا ولد معوق …ما أبيها ولا أبي ولدها …
طلعت غلو من المستشفى ..وراحت بيت أبوها …
بس هالمرة غير …المرض هدها والحمل …وكل يوم يكبربطنها ..
ورغم هذا لم ترحمها زوجة أبوها ..كانت تكرفها ولكن …ربي سخر لها أختها لولو وحنن قلبها عليها …
كانت هي من يقوم بشغل البيت مكانها بدون علم جوجو ….
ولدت غلو وجابت ولد زي القمر …اسمته فيصل….فيه شلل في يد واحده…
كل يوم تشوفه يكبر ..والورم يكبر في راسها …
حتى لم تعد تقوى على الحركة إلا بصعوبة …
في يوم جاء البيت ضيوف …
طفلة الحب …السلام عليكم
جوجو …وعليكم السلام ..
طفلة الحب ….ياوخيتي أنا جيتس اليوم بخطب منتس …بنتس لولدي حمود..
جوجو …بنتي من تقصدين …>>وعيونها بتطلع تظن أنها تقصد غلو
طفلة الحب …بنتس لولو …
جوجو ….والله الساعة المباركة ..موافقين ..
وتدخل لولو …لا ماني موافقة ..
جوجو …انطمي يابنت وادخلي داخل ..
طفلة الحب….وراتس وأنا أمتس ماتبين حمود تراه صار مطربن مشهور..
لولو ..ما أبي أتزوج ..
جوجو ..نعنبو للكشة بتاخذينه غصب عنك …
طفلة الحب …والله وأنا أختس مافيه شيء بالغصب هذا زواج …
وتروح أم حمود …
وتمسك جوجو بنتها وهات ياضرب طرااااااااااااخ طراااااااااخ
نعنبو للكشه ماصدقنا أحد يخطبتس اللي اسنناك عندهم عيال ..وأنتي جالسة في وجهي ..
يمه تكفين فكيني ..قطعتي شعري …حرام عليتس يمه..
تبيني أتزوج وأخلي غلو لحالها ماتشوفينها مريضة
والا ولدها هالمسكين أخليه لمن والله ما أتزوج أبد ..
سمعت غلو الكلام وكانت لا تقوى على الحركة من المرض الذي انتشر في رأسها,,,\
وتحاملت على نفسها وقامت وجت لولو وحضنتها ودموعها تغطي وجهها …
غلو ….لايالولو تزوجي ..وجيبي عيال ..وش ذنبتس تجلسين عندي ..
لولو …ذنبي إني أختس اللي تحبتس ..صحيح كنا نتهاوش ونضرب بعض بس والله أحبتس..
دمعت جوجو ..رغم جفاف عيونها ومشاعرها ,,وقالت الله يخليكم بعض …
وبعد كم يوم..دخلت لولو على غلو غرفتها لـــ تجدها تصارع للبقاء ,,,
حضنتها إلى صدرها ..
غلو …..وصيتي لك فيصل لاتتخلين عنه يالولو هو ماله ذنب في شيء …
انحرم من أمه ومن صحته ..لاتهاوشينه تراه يتيم مثلي بس لاتخلينه مثلي ..
إذا كبر خليه يصير دكتور ..تراه حلم أمه اللي ماقدرت تحققه ..
عاشت يتيمه وماتت يتيمه…
النهاية
بقلم جنـ وـوـون
ولا أحلل النقل
نهايه ماتمنيتها ابـــــــــــدا
جدا جدا قصتك من اروع القصص اللي مرت علي
يعطيك العاااافيه حبيبتي
وتستاااهلي احلى تقييمـ
بس مو سميته عبدالعزيز اول مين فيصل توصين لولو عليه
و ليت لـ وجعي تاريخ إنتهاء
أستطيع أن أُمني نفسي به…
موجوعة بك…
و بات وجعي أشبه بقصيدة رثائية
منثورة على روح حيٍٍ ميت…
ترثي ممات الحياة..
و تهديني لوناً آخر لهذا
الموت الحاضر في وجعك
أطال الله عمرك غاليتي,,,
فعلاً لم امسك نفسي ولا دموعي ان تنساااب … فوق نهاية غلو المظلومة
والاحلى ان لولو >>طلعت وفيه
اما الشلة الباقية مافيهم خير الا مرهفة >>وقفتها وقفة رجااال
تستاااااهلي ي قليبي >>احلى تقييييييييييييم/من لولوتك محبتك