الميك آب أنا جاهزة فالرد عليها اي سؤال يخطر بالج وماتعرفين شتسوين او شتحطين او كيفية استخدام المكياج واي ماركة احسن ووووالخ اي شي وحتى ممكن اساعدكم بأي الألوان الي تناسب كل بشرة وحدة
انا مهرة قطرية ماخذة 3 دورات بالمكياج مهنية وشخصية وحالياً لم اعلن عنها لظروف عملي لأنها تتطلب جهد كبير وتفرغ كاااااااامـــــــــــــل
فأي شي استفساراتكم انا 
جاهزة وبالشوفــــــــة انشالله واكون عند حسن ظنكم وتتقبلوني فالمنتدى الأكثر من رائع ….واي سؤال على طول الجواب بكون تحته اوكي ياحلوين وشكراً
وان شاء الله الكل يستفيد من خبرتج
^_^
هلا اختي(( قطرية )) اجاوب على سؤالج ولو ان تأخرت فيه اعذريني حبيبتي
نأخذ مثال على اللون البني اشلون توصلين لدمجه مع بعض او حق لونه الي اكون كأنه لون واحد او متدرج من الأغمج الى الأفتح اولاً: على الجفن او فوق الرموش نأخذ اللون البني الغامقونحط خط واحد منه بس اكون غليظ ولونه غامق اوكي ثانياً: نأخذالبني الي افتح منه او اللون البيج الغامق اوكي بالفرشاة او بأصبعج على كامل الجفن بس مب لين الحاجب لا اكون على تدويرة العين او مقلة العين بس اوكي خلصتي احين تاخذين اصبعج وتبدئين بدمج اللون الغامق مع اللون الي حطيته معاه الفاتح بس بطريقة دائرية من تحت لفوق وتدمجين لحد مايعطيج اللون المطلوب وطبعاً لا تنسين تحت الحاجب ماتحطين ابيض لا لأن بني تحطين ذهبي لازم وبس هاي طريقة سهلة وسريعة جداً جربيها وقوليلي ايش النتيجة
بس على فكرة لا تطلعين اللون برع زاوية العين يعني نهاية العين لا تطلعينه برع واااايد بس على رسمة العين نفسها يعطيج احلى واااايد وايدواتمنى انج استفدتي مني انشالله ….
هلا ام أميرة فيج اذا بغيتي لنضارة البشرة أنصحج بماركة جيرلان في كريم اساس بمعصارة ولونها كحلي انا عن نفسي مجربته واااايد حلووو ويعطيج نضارة واشراق للبشرة ولونه كأنه نفس الؤلوئي يعطيج الأضاءة فيه والله وتغطيته شاااملة للبشرة خصوصاً للحبوب الي بالوجه ويعطيج كفر غير طبيعي له …
وفوق هاي ماتحطين وايد نقطتين خفيفتين منه كافيه للوجه كاااامل وتمدينه بالأسفنجة المبللة المثلثة تلقينها بمحلات ماك او من محلات كريولان بس الأسفنجة تكون مندية يعني شوية ماي خفيف على الآخررر وبس تمدين الكريم الأساس براحتج وطبعاً اذا بغيتي البودرة مالته اكون احسن معاه اخذيها بعد انا عندي واستخدمها وايد حلوة الصراحة بعد ما احط كريم الأساس احط البودرة فوقه وبجذي نتيجة فظيعه وتجنن للبشرة وتحصلين عالنضارة والأشراق
اما لانكوم انا بالنسبة لي مانفع معاي بالمرة مب شي لأن انا بشرتي دهنية وهو باااهت وخفيف حده وبس لاتحطينه او تستخدمينه ماينفع للخليجيات خاصة والله نصيحة مني وانا مجربتها بالنسبة لي وشكراً