السلام عليكم ورحمة الله وبركاته
(1) صلاة أربع ركعات سنة قبل الظهر وبعده…بس لازم المواظبة عليها يعنى تكون شىء أساسى فى حياتك زى الصلوات المفروضة.
والدليل:
عَنْ أُمِّ حَبِيبَةَ رضي الله عنها عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( مَنْ صَلَّى أَرْبَعًا قَبْلَ الظُّهْرِ وَأَرْبَعًا بَعْدَهَا لَمْ تَمَسَّهُ النَّارُ ).
(2) البكاء من خشية الله..يعنى حاولى تسمعى شرائط أو دروس اللى فيها عظة
وترهيب من النار وغضب الله علشان تبكى ودموعك تنزل من الخوف
والدليل:
لا يلج النار رجل بكى من خشية الله حتى يعود اللبن في الضرع ، و لا يجتمع غبار في سبيل الله و دخان جهنم في منخري مسلم أبدا ] [ رواه الترمذي وغيره بسند صحيح ]
*عينان لاتمسهما النار..عين بكت من خشية الله وعين باتت تحرس فى سبيل الله
(3) صلة الرحم ولو بالتليفون والسؤال السريع على الأقارب ..ومش هتكلفك الا دقائق
(4)الإخلاص سبب للعتق من النار
والدليل:
قال صلى الله عليه وسلم :[لن يوافي عبد يوم القيامة يقول : لا إله إلا الله يبتغي بها وجه الله إلا حرَّم الله عليه النار ] [ رواه البخاري ]
(5)أدعى ربنا بالعتق والنجاة من النار
والدليل:
قال صلى الله عليه وسلم :[ما سأل رجل مسلم الله الجنة ثلاثا إلا قالت الجنة : اللهم أدخله الجنة ، و لا استجار رجل مسلم الله من النار ثلاثا إلا قالت النار : اللهم أجره منِّي ] [ رواه الإمام أحمد بسند صحيح] .
يعنى حافظى على إنك كل يوم ميعديش عليكى الا لازم تدعى:
اللهم أدخلنا الجنة ، اللهم أدخلنا الجنة ، اللهم أدخلنا الجنة ، اللهم أجرنا من النار ، اللهم أجرنا من النار ، اللهم أجرنا من النار .
(6) الصدقة ولو بجنيه واحد يوميا أو حتى أقل
والدليل:
قال رسول الله:
من أستطاع منكم أن يستتر من النار ولو بشق تمرة فليفعل
(7)صيام النوافل زى الأتنين والخميس والتلات أيام من كل شهر عربى اللى هما 13
و14 و15
والدليل:
قال صلى الله عليه و سلم: "من صام يوما في سبيل الله زحزح الله وجهه عن النار بذلك اليوم سبعين خريفا" (صحيح الجامع: 6334)
و في رواية قال صلى الله عليه و سلم: "من صام يوما في سبيل الله باعد الله منه جهنم مسيرة مائة عام" (صحيح الجامع: 6335)
ويا ريت يا جماعة نبدأ نجتهد فى عمل ولو حاجة واحدة من الحاجات ديه
ونبدأ نتدرب عليها وبعدين ندخل فى اللى بعدها واللى تقدر تعمل كذا حاجة يكون خير وبركة..وربنا يعينا كلنا..
وجعله في موازين حسناتك
