بسم الله الرحمن الرحيم
هاي اول مشاركة الي في المنتدى وحبيت اطرح وحبيت احكي قصتي حتى تكون عبرة ليس اكثر ، الموضوع طويل شوي يعني الي عندها شغل تروح تكمله وترجع
انا والحمدلله متزوجة من 5 سنوات ومرتاحة كتير ولله الحمد ، المهم صار عندي حمل بعد زواجي ب4شهور وفرحت كتير وزوجي كمان ومرت شهور الحمل وخلفت احلى بنوته ولله الحمد وقررت انا وزوجي انه نباعد شوي للحمل الجاي يعني 3سنين ،وبعد ما صار عمرها سنة و5 شهور بدأت قصتي صار عندي حمل بالغلط 
ورح احكيلكم بصراحة زعلت كتيير وما حبيت انه احمل وبدأت اتعزز على حكم ربنا بدل ما اشكر ربنا ع نعمته الي كتير ناس محرمين منها " الله يطعم كل محروم امين يارب" مع انه زوجي انبسط وحكى الحمدلله بس انا كتير انزعجت وحبيت الوضع هاد لدرجة انه مارحت اطمن ع صحة الجنين ولا راجعت عند دكتور وبعد شهر من الحمل وبعد اصرار ماما وزوجي انه لازم ابدأ مراجعات عند الدكتور قررت اروح وقبل يوم من موعدي عند الدكتور كنت العب مع بنتي بالغلط وقعت بس اجيت على ركبي حسيت كل جسمي انتفض من الوقعه
الصراحة خفت شوي وبعدين مااخدت بالموضوع وكملت لعب
ثاني يوم الصبح بس دخلت التواليت اكركم الله لقيت بقعة دم كبيرة ع الندر وير اجلكم الله خفت كتير وحكيت مع ماما الي بأصل كانت تجهز حالها حتى نروح ع الموعد وحكيتلها انه نزل الجنين ارتعبت وحكت ان شالله خير المهم رحنا عالدكتور وبعد ماحكيتله شو صار معي بدأ بفحصي لحظتها اطلع علي وحكاي انه مافي حمل وحكيتله انه مابنزل علي اي شى ولا حتى افرازات بعد ماشفت الدم ولا حتى اي مغص يعني مافي شي من اعراض التنزيل
حكالي الله يصلحه ويهديه انه احتمال يكون الحمل نزل لعنق الرحم لذلك لازم انام على ضهري اسبوعين حتى يرجع للرحم ينغرس من اول حكيت بحالي انه هاد جزائي انه تعززت على حكم ربي
اتبعت اوامر الدكتور وماما الله يخليها الي ماتركتني وبعد يومين كان مساء الجمعه الساعة 10 باليل وانا بحاول انيم بنتي صارت تلعب معي اجبت شلتها وحطيته بحضني على طول حسيت مثل سكين فات جوى بطني وصابني مغص خلاني ابكي من الوجع بس اكيد مو قدام بنتي لحضتها عرفت انه الجنين نزل خصوصا بعد ما شفت الدم ينزل اجلكم الله مابكذب عليكم بكيت ع ابني الي راح ، عملي زوجي الله يخليلي اياه يانسون حلو حتى هدي مغصي ونمت كانت الساعة 2 باليل
صباح السبت قمت بسألني زوجي كيف وضعي حكيتله المغص راح واغريبة انه مانزل مني غير نقاط دم جهزت الفطور لزوجي وانا بجهز حسيت حالي دايخة قادني زوجي للسرير ونمت وكمل هو الفطور وهلأ بدأت معانتي صرت ما اقدر اركز حتى بنظري صرت اغيب لدقائق وما اصحى الا اذا حدا ضربني ع خدي خاف زوجي علي وكان بده بشيلني للمستشفى رفضت وحكيتله مو محرزة الشغلة روح انت على شغلك تأخرت انا منيحة بعدين هلأ ماما بتيجي لا تقلق علي حكالي خلص رح استنى حتى تيجي ، وفعلا اجت ماما وحكتله خلص روح عشغلك وانا عندها اطمن وانا كل مالي بتزيد حالتي سوء وبعدها ما وعيت ونها ماما تصرخ فية وبتناديني وانا كل الي جنبي احس في مثل الحلم وكل هاد ونا رافضة اروح عالمستشفى حتى حكت مع زوجي وحكتله يجي وبعدها غيبت وما صحيت الا عزوجي وهو يحملني عالسيارة واسمع صوت تشحيط السيارة وتطير وصلت الطوارئ وعلى طول لقيت حالي عالسرير وجنبي الدكتور والممرضة بالاول بعد ماعرفو قصتي وعرفوا انه دم مافي ماعرفو لحالتي وارجعت غبت عن الوعي وصحيت على صوت الدكاتر حوالي بصرخوا وحكوا تجهيز عمليات عالطول الي صار معي:
انه كان عندي حمل خارج الرحم ولما فعدت بنتي بحضني انفجر الانبوب والحمل معه وعلى اثرها صابني نزيف داخلي ونزفت كتيير ادرجة صار جسمي اصفر ووجهي مثل الميته درجة حرارتي 35 ، دخلوني غرفة العمليات وانا استغفر ربي ، خدروني وصحيت مثل الحلم في غرفة الانعاش على صوت اخوي وزوجي ورجعت نمت حتى الساعة 4الفجر لقيت امي جنبي وزوجي وماما تبكي وتحكيلي كنا رح نخسرك وبعد ماصحيت وعرفت الي صار معي بكيت وحكيت هاد اكيد عقاب من ربنا خلال العملية عرفت انه توقف قلبي دقيقة من ضغط الدم ع صدري وعشان تكمل جسمي رفض اي وحدة دم وبسبب رحمة ربي ودعاوي ماما صرت منيحة وعلى اثرها منعوني من الحمل سنة كاملة وبعد انتهاء السنة صارت فرصتي بالحمل 50% وصرت اتمنى اني احمل واستنى الدورة تتأخر علي بس ما صار عندي حمل وكل اجتني اعمل مناحة بالبيت حتى وصلت معي انه حكيت لزوجي انه من حقه انه يكون عنده ولاد جوابه لي ريحني كتير حكالي انا راضي وعندي انت وبنتي بتسووا كل شي بحياتي بعدين انت نيتك طيبه وكيد ربنا رح يجزيك كل خير " الله يخليلي اياك يابعد عمري " هاي هي قصتي بعرف انه كتيير طولت عليكم بس كنت حابه تعيشوا معي كل تفاصيل معاناتي واسأل الله انه مايصب اي انسانة الي صابني استنوني قريبا تكملة قصتي وكيف ربنا كتبلي الحمل وجبر بخاطري اذا حبيته انه تعرفوا الي صار بستنى ردودكم
السلام عليكم ورحمة الله وبركاته
وقدر الله وما شاء فعل وهذا قضاء الله أولا وأخيرا
ولا تخافي لسا فرصة الحمل عندك 50 بالمية متل ما ذكرتي وما ذلك على الله ببعيد
واهلا بعضوات الاردن نورتي المنتدى ويسلمو لطرح قصتك
ولك مني أحلى تقييم + احلى نجوم
قدر الله وماشاء فعل,,,, والحمد لله على سلامتك
ربي يحفظ لك بنوتك وأمك ويطول في عمرهن
أنصح كل حامل ان تعمل تصوير للجنين في الشهر الاول حتى تشوف اذا الجنين في مكانه واذا كل الامور
تمام,,,,
نستنى منك تكملة القصة بشووووق
كبريائي ابسط حقوقي
دلع نفين
شكرا الكم كتيير اسعدتوني بردودكم ان شالله رح اكتب بقيت قصتي وكيف اله حبر بخاطري وكيف تلقيت احلى خبر بحياتي ان شالله قريبا
وقدر الله وما شاء فعل وهذا قضاء الله