السلام عليكم و رحمة الله و بركاتهه
شحالكم شخباركم ربكم الا بخير و سلامه و عسى صباحكم و مساكم مبارك ياربيه ..
انا بدش بالمووضوع ع طول مالكم بالطويلة ..
انا بنت عمري 17 ادري صغيرة وآيد بس احس اني ابا اطلع من جو البيت و الحياة الكئيبة اللي عايشتنها ف بيت اهلي و بالمختصر ابي اتزوج ..
مايمر يوم من ها الايام الا و صايرة فبيتنا مشكلة او ضرابة بين اخواني و طبعا انا الصغيرة و دايما يجعموني و يحسسوني اني كلامي غلط بغلط !! و ما يبوني اتكلم الا و قالو لي روحي فوق ’ اطلعي برع , لا تتكلمين , انتي بعدج ياهل و اللي يجعمني و اللي يتهازب وياي و جني انا السبب في ها المشاااااكل !!!!!
و الله تعبت و انا من النوع الحساس وايد بس احب اهلي وايد و اقعد احااااتييييييهم في كل وقت و دقيقة من المشاكل كلها نزل مستواي الدراسي و حالتي استوت نفسية ع الاخر احب اقعد بروحي واشغل نفسي بالرقص و الاغاني ادري حرام و احاول اني اطلع من ها الجو بالاستغفار و التحميد و التهليل بس احس اني هبله ! مره ارقص و اغني و مره استغفر قمة التنااااااااقض في حييييييياتي
ابي اتزوج عشان انستر و ما انحرف لاني لو تميت ع ها الحالة الله يعين شو بيستوي بي لاني اسكن بروحي فالبيت مع اخواني الاولاد يعني اذا مب ضرابه اكون يالسة بروحي و ابي اشغل نفسي بالزواج و مب صغيرة عليه لاني اقدر احمل مسؤولية بس للاسف اهلي يبوني اتم وياهم و ما اتزوج الا و عمري صاك 25 بعكس ربيعاتي اللي كل يوم وحدة منهن تنخطب لاننا في وقت البنت تنخطب بسرعه الا اهلي بعدهم ع افكارهم و معتقداتهم شو اسوي ياربببببيه مخنووووووووووقة ادري كلام مخربط بس ماعرف شو اقول
ابي حد يساعدني و يرتب وياي حياتي
🙁
دمتم بود …
مووووفقه
يعني يا الزواج يا الانحراف ؟؟!!!!
وبعد الزواج تقول لزوجها الجنس كل يوم وإلا الإنحراف
وبعد ما يكبر زوجها الإنحراف
الإنحراف معشعش في عقولكم بسبب القنوات الهابطة والمواقع السيئة وصديقات السوء والكيك والانستقرام
لو تخافين الله ما ذكرتي الإنحراف
والزواج مو شغل فتح رجول وبس
الزواج تحمل مسئولية وفيه مشاغل كثيرة
الزواج مو زواج مهند ونور تمثيل
الزواج الحقيقي فيه كل ما يخطر عالبال
من جد كلامك سجلت لاجلك كل من هو مواقع والاجهزة الا جات خلت عقول بنات مراهقات مفتوحه احنا بسنهم مانفكر لا باالعب ونعيش مراهقتنا وبعدين شنو انحرف كلنا نعيش مضغوطين في بيت اهلنا ومافكرنا ابداً والي تجي وحده تقول زمنا غير وين الحياء البنت عيب وربي..
|
المشاركة الأصلية كتبت بواسطة سجلت لأجلك
 الله يخلف على هالتفكير الزواج أو الإنحراف
وبعد الزواج تقول لزوجها الجنس كل يوم وإلا الإنحراف وبعد ما يكبر زوجها الإنحراف الإنحراف معشعش في عقولكم بسبب القنوات الهابطة والمواقع السيئة وصديقات السوء والكيك والانستقرام لو تخافين الله ما ذكرتي الإنحراف والزواج مو شغل فتح رجول وبس الزواج تحمل مسئولية وفيه مشاغل كثيرة الزواج مو زواج مهند ونور تمثيل الزواج الحقيقي فيه كل ما يخطر عالبال |
يعني انتي اللي قلتي شي مفيد ماشالله احييك على ردك الراقي ….بالله عليك هذا اسلوب تردين فيه؟!! ياتقولين كلمه طيبه والا الصمت يكون افضل ….اذا ما نتي عارفه وش تقولين اكتفي بالقراءه ولا انك تكتبين هالكلاام فيه اهانه وقلة احترام لصاحبة المشكله ..على الاقل احتراما لقارئات الموضوع……ياصاحبة المشكله الزواج ليس حلا لمشكلتك لاتجعلين الزواج ملجا لك من المشاكل وانا ماشوف شي بمشكلتك يستحق كل هذا الزعل حبيبتي اهلك معهم حق ولمصلحتك ان تتزوجين بسن مناسب انتي لازلتي صغيره على الزواج والزواج مسؤؤليه كبيره وليس كما تتخيلين وتفكرين ومع الايام سوف تفهمين وتدركين ان كلام اهلك ماهو الا لمصلحتك واغلب اللي يتزوجون بسن صغير كعمرك نتيجته الفشل …وانتي الان اهتمي بدراستك واشغلي نفسك بالمفيد وفقك الله